Paamiut pillugu
Paamiuni innuttaasut 1.600-upput. Illoqarfiup aqqa isumaqarpoq ”paavata eqqaani” – tassami illoqarfik kangerluup Kuannersuup paavata eqqaaniimmat.
Aalisarneq inuussutissarsiutigineqartuni pingaarnersaavoq aamma Nunatsinni imarsiornermik ilinniartitaaneq tassani ingerlanneqartarpoq, Imarsiornermik Ilinniarfimmi. Illoqarfiup pisoqartaani alianaalluinnartumi illoqarpoq qalipaatigilluinnartunik. Tassaniipput niuertarfitoqaq, niuertup illua aamma oqaluffik kusanartoq ”Eqqissinerup Oqaluffia”, 2009-mi atoqqaartinneqarnerminit ukiunik 100-nngortorsiortoq.
Illoqarfiup pisoqartaani pisuttuarit, imaluunniit illoqarfiup katersugaasivia alakkaruk. Illoqarfiup avataa nuna alianaatsorsuuvoq, aasaanerani periarfissaqarluarpoq illoqarfimmiut aalisartut peqatigalugit imaatigut angalaarnissamut. Tamaani aalisarnissamut – suluppaakkanik piumaneqarluartartunik, kangerlummi aalisarnissamut imaluunniit eqalunniarnissamut periarfissarpassuaqarpoq. Imaluunniit soormi piniarfiup nalaani illoqarfimmiut peqatigalugit tuttunniaruit.
Paamiuni umiarsualivik
Sarfaq Ittuk uani talittarpoq:
Kiassuseq
Jan | Feb | Mar | Apr | Maj | Jun | Jul | Aug | Sep | Okt | Nov | Dec | |
|---|---|---|---|---|---|---|---|---|---|---|---|---|
Ulluunerani kiassuseq | -3,4 | -3,0 | -2,7 | 0,6 | 4,2 | 6,5 | 8,8 | 8,2 | 6,2 | 2,9 | 0,3 | -2,3 |
Agguaqatigiissillugu kiassuseq | -6,6 | -6,4 | -6,0 | -2,3 | 1,4 | 3,7 | 5,6 | 5,3 | 3,5 | 0,1 | -2,8 | -5,4 |
Unnuap nillataarnera | -10,1 | -10,2 | -9,9 | -5,7 | -1,1 | 1,1 | 2,8 | 2,7 | 0,8 | -2,8 | -6,1 | -8,9 |
|
Online booking
Billetsinik pisisinnaavutit, allannguineq, taamaatitsineq aammalu nerinermut billetsisineq.
Ornitassat illoqarfiit
