Qaqortoq pillugu
Qaqortoq Kommune Kujallermi illoqarfiit annersaraat 3.400-nik innuttaasoqartoq, illoqarfittut 1775-imi tunngavilerneqartoq. Illoqarfik qaqqanik portusuunik ungalusimavoq, illut qalipaatigissaartut aamma oqaluttuarisaanermut tunngassuteqartunik peqarluni. 1993/1994-imi illoqarfik nunani avannarlerneersunik eqqumiitsuliortunik 18-inik tikeraarteqarpoq, suliaq ”Ujarak inullu” aallartillugu. Ullumikkut qaqqani kusanartuliat tamakku illoqarfimmi tamarmi takussaapput.
Illoqarfiup qeqqani illoqannginnersami Nunatsinni puilasuliat kisiartaat takussaavoq. Tamaani aasat tamaasa ilinniarnertuunngorlaat katersuuttarput, pisarnertut puilasuliaq kaavittarlugu. Tassaniippoq aamma illut pisoqaanersaat 1804-meersoq, ullumikkut katersugaasivittut atorneqartoq. Tamaani aamma kuuk alianaatsoq ippoq, imaluunniit illoqarfiup kalaalimineerniarfia alakkaruk aalisakkamillu nutaarluinnarmik pisigit imaluunniit naatitanik nutaanik. Illoqarfiup ilisarnaataasa ilagaat Tasersuaq. Taanna sinerlugu pisuinnarnut aqqut atorlugu pisuttuartoqarsinnaavoq, akunnerit pingasut sisamalluunniit atorlugit pisuttuarfigineqarsinnaalluni.
Qaqortumiippoq aamma Great Greenland, tassani puisit amii suliareqqinneqartarput tuniniagassanngorlugit.
Qaqortup eqqaani takusassaqqissut amerlaqaat. Qaqortukuluumi qallunaatsiaat oqaluffitoqaat ippoq, nunami Erik Aappalaartup atsigaani Austurbygd, Østerbygden. Qallunaatsiaat nalaanneersuni oqaluffik taanna innarlerneqarsimannginnersaavoq. Qaqortukuluumut oqaluffitoqqap tungaanukarnermi nunalerinermi misileraaffik Upernaviarsuk ippoq. Tamaani nunami issittumi kiannerulaartumi nunaateqarnermi misileraanerit aamma nunaateqarnermik ilinniartitsinerit ingerlanneqartarput. Aammattaaq ikittuinnarnik nersussuaateqarneq hiistiuteqarnerlu ingerlanneqarput.
Suli kujasinnerusumi puilasut kissartut Uunartup eqqaani ipput. Tatsit taakku qeqertamiittut Qaqortumiit kujammut 50 kilometerinik ungasitsigisumiipput. Tamaani kissalaaq ilorrisimaarnartoq 38 gradinik kissassusilik (ukioq kaajallallugu) ilorrisimaarutigineqartarpoq, tamaanilu avatangiisit alutornartut immamilu sikorsuit tissukaruusaartut isiginnaarneqarsinnaallutik. Angalanermi tamaani iluatsitsilluni takuneqarsinnaasarput puisit aamma arferit. Takornariartitsivik Qaqortukuluumi oqaluffitoqqamut, Uunartumut aamma allarpassuarnut angalanissanik aaqqissuussisarpoq.
Qaqortumi umiarsualivik
Sarfaq Ittuk uani talittarpoq:
Kiassuseq
| Jan | Feb | Mar | Apr | Maj | Jun | Jul | Aug | Sep | Okt | Nov | Dec |
|---|---|---|---|---|---|---|---|---|---|---|---|---|
Ulluunerani kiassuseq | -2,2 | -1,7 | -1,0 | 2,8 | 6,9 | 9,2 | 11,1 | 11,0 | 8,0 | 3,9 | 0,8 | -1,4 |
Agguaqatigiissillugu kiassuseq | -5,5 | -5,0 | -4,4 | -0,6 | 3,3 | 5,2 | 7,2 | 7,2 | 5,0 | 1,2 | -1,9 | -4,4 |
Unnuap nillataarnera | -9,2 | -8,8 | -8,4 | -4,4 | 0,4 | 1,3 | 3,3 | 3,7 | 1,9 | -1,7 | -5,0 | -7,8 |
|
|
|
|
|
|
|
|
|
|
|
|
|
Links-it
Unnuiffissaq | Emaili | Nittartagaq |
| ||
Qaqortumi Sømandshjemmi | ||
Hotel Qaqortoq: | ||
| ||
Online booking
Billetsinik pisisinnaavutit, allannguineq, taamaatitsineq aammalu nerinermut billetsisineq.
Ornitassat illoqarfiit
