Sisimiut pillugu
Sisimiut 5.600 missaannik inoqarpoq Kalaallit Nunaannilu illoqarfiit annersaasa tulleralugu. Sisimiut Kalaallit Nunaanni illoqarfiit ukiuunerani sikusanngitsut avannarpasinnersaraat, taamaattumillu ukioq kaajallallugu umiarsuakkut pilersorneqarsinnaalluni. Aasakkut imaatigut angalaarnissamut periarfissarpassuaqarpoq, puisinik arfernik aamma timmissanik takusaqarnissaq ilimanarluinnartarluni. Aalisariartoqarsinnaavoq nutaarluinnarnik nerisassanik pisaqartoqarsinnaalluni. Sisimiut eqqaat pisuttuarfigissallugu periarfissaqarluarpoq. Pisunnermullu sungiussisimasunut Kangerlussuarmiit Sisimiunut pisuttoqarsinnaavoq – angalaneq ullunik arfineq marlunniit qulinut sivisussusilik. Ukiut tamaasa Sisimiuni Arctic Circle Race ingerlanneqartarpoq – nunarsuarmi sisoraatinik ujakkaarnerit sapernarnersaat, sisoraatinik ujakkaartartut nunarsuarmi tamarmeersut tamaani unammisarput. Unammineq pinngortitami kusanaqisumi ulluni pingasuni ingerlanneqartarpoq peqataasut tuperni sinittarlutik. Ukiukkut Sisimiuniikkaanni qimusernissaq periarfissaavoq – misigisaq tamanna nassuiarneqarsinnaanngilaq misilittariaqarpormi. Sisimiut eqqaat aammattaaq sisorarfissaqqippoq, alpinimik aamma ujakkaarnermik imaluunniit qamuteralannik angalasoqarsinnaavoq. Illoqarfittaani Sisimiut Katersugaasiviat takuniarneqarsinnaavoq. Katersugaasivik nunasiaataanerup nalaani illutoqqani kusarnartuniippoq. Tamaani takuneqarsinnaapput Niuertoqarfiup Naalagaata illua, pisiniarfitoqaq aamma Niuertorutsip illua takuneqarsinnaapput. Eqqumiitsuliortut sannaviat umiarsualivimmiippoq, tamaani eqqumiitsuliortut kusanartuliorlutik sanasut takuneqarsinnaallutik.
Sisimiuni umiarsualivik
Sarfaq Ittuk uani talittarpoq:
Kiassuseq
| Jan | Feb | Mar | Apr | Maj | Jun | Jul | Aug | Sep | Okt | Nov | Dec |
|---|---|---|---|---|---|---|---|---|---|---|---|---|
Ulluunerani kiassuseq | -9,4 | -10,2 | -10,1 | -3,6 | 2,9 | 6,8 | 9,8 | 9,3 | 5,8 | 0,7 | -3,2 | -6,9 |
Agguaqatigiissillugu kiassuseq | -12,8 | -13,9 | -14,0 | -7,1 | -0,2 | 3,6 | 6,3 | 6,1 | 3,2 | -1,9 | -5,9 | -10,1 |
Unnuap nillataarnera | -16,3 | -17,7 | -18,0 | -10,9 | -3,2 | 0,8 | 3,3 | 3,3 | 0,7 | -4,4 | -8,7 | -13,3 |
|
|
|
|
|
|
|
|
|
|
|
|
|
Links-it
Unnuiffissat | Emaili | Nittartagaq |
| ||
Hotel Sisimiut | ||
Sisimiuni Sřmandshjemmi | ||
|
Online booking
Billetsinik pisisinnaavutit, allannguineq, taamaatitsineq aammalu nerinermut billetsisineq.
Ornitassat illoqarfiit
