SARFAQ ITTUK

AALLANNGINNERMI

Angalanissara qanoq inniminnissavara?

Angalaneq inniminnersinnaavat uku aqqutigalugit:

• • Illit angalatitseqatigiiffiit
• • Havneservice, Royal Arctic Line
• • Online-kkut inniminniineq ugguuna.

Angalanissaq qaqugu akilissavara?

• • Online-kkut inniminniinikkut ingerlaannartumik akiliisoqartarpoq korti akiliutigineqartartoq atorlugu. Online-kkut billettisinermi kortit akiliutigineqarsinnaasut ukuupput: Dankort/VISA-Dankort, Mastercard, Maestro, VISA, VISA Electron aamma JCB.
• • Tuniniaasugut aqqutigalugit (angalatitseqatigiit, uani Nunatta Angalatitsivia aamma Vejle Rejser).

Qanoq iliussaanga online-kkut inniminniinermi ajornartorsiuleruma?

• • Saaffigiuk info @ aul . gl imaluunniit sianerit uunga 34 91 90.

Siusinnerpaamik/kingusinnerpaamik qanoq ilinikkut Sarfaq Ittummut ornigutissaanga?

• • Siusinnerpaamik aallarfissaq akunnermik ataatsimik sioqqullugu ikereersimasoqassaaq.
• • Kingusinnerpaamik aallarfissaq akunnerup affaanik sioqqullugu ikereersimasoqassaaq.
  Malugiuk: Sivikitsumik tulassimanermi (umiarsualiviit tulaffiit ilaanni) umiarsuup tulaqqammernerani ikinissamut piareersimasoqassaaq.

Kinguaattoornermi angalanissamut paasissutissiivik sumiippa?

• • Angalanissamut pilersaarut paasiniaavigiuk sianerlutit 34 91 91-imut imaluunniit uagut nittartagarput. Ullut tamaasa Sarfaq Ittuk-p tikinnera/aallarnera pillugu nutaanik paasissutissaqartuaannarpoq.

Qitornara kisimiilluni angalasinnaava?

• • Meeqqat aqqaneq-marluk ataallugit ukiullit ilaqarlutik angalasassapput. Inigisap assingani angalaqataassapput (soorlu umiarsuarmi inigisami akisunermi, kupé-mi imaluunniit akikinnermi).

Qanoq oqimaatsigisunik nassataqarsinnaavunga?

• • Sarfaq Ittummut ilaaninni 30 kiilut nassatarisinnaavatit.

Qanoq iliorsinnaavunga ulloq aallarfissaq allanngortinniarukku?

• • Online-kkut billettit pisiarisimagukku, taava tassuuna aamma allanngortissinnaavat / akisuninngortissinnaavat / aammattaaq taamaatissinnaavat.
• • Angalanissat angalatitsivik aqqutigalugu pisiarisimagukku, taava tassunga saaffiginnillutit billettit allanngortissinnaavat.

Qanoq iliussaanga aallarnissamut qimataasimaguma?

• • Ulloq aallarfissappit allanngortinnissaanut periarfissaqarputit
• • Imaluunniit billettip akiata affaa utertissinnaavat.

ANGALANERMI

Angalaninnut allagartanik uppernarsaatinik nassataqassaanga?

• • Ilaanissannut uppernarsaat Sarfaq Ittuk-mut nassassavat. Maannakkut inatsisitigut piumasaqaataanngilaq ikinermi kinaassutsimut uppernarsaatinik takutitsinissaq.

Initanik, kupé-nik sanileriinnik pissarsisoqarsinnaava?

• • Inissaqarneq apeqqutaalluni taamaaliortoqarsinnaavoq. Umiarsuarmi pilittap allaffiani, ikinermi matuersaatinik tunniussisarfimmi, tamanna naliliiffigineqartarpoq. Eqqaamajuk tamanna pilittamut nalunaarutigissagakku.

Qipiit/oqorutit akianut ilaappat? (Initami, Kupé-mi, Akikinnermi)?

• • Initami ineqarluni siniffiliorneq ilaavoq
• • Kupé-mi sininnermi atugassat ilaapput (tippeq, qalit aamma allarutit)
• • Akikinnermi sinngup puuanik nassarnissaq periarfissaavoq imaluunniit pilittap allaffiani tippimik pisisoqarsinnaavoq.

Kupé uagut kisitta inigissavarput?

• • Kupé inunnut sisamanut inissaqarpoq. Kisimiillutit angalaguit, kupé-mut inissarsisinneqassaatit angalasut allat suiaassuteqatitit ineqatigalugit.

Kupé-mi/akikinnermi angalaninni nassatakka sussavakka?

• • Umiarsuarmi nassatanut immikkut ilitsiveqarpoq, tassunga nassatat ilineqartarput kupé-mi/akikinnermi inissaq pisattanut ilioqqaavigineqannginniassammat. Taakku inigisat ammasuupput parnaarneqarsinnaanngitsut.

Meeraaqqat qamutaannik nassarsinnaavunga?

• • Aap, meeraaqqat qamutaannik nassarneq akeqanngilaq.

Sikkilinik nassarsinnaavunga?

• • Aap, taamatut periarfissaqarpoq 300 koruuninik akiliinikkut. Ikereernermi akiliisoqartarpoq.

Qaannamik nassarsinnaavunga?

• • Aap, taamatut periarfissaqarpoq 300 koruuninik akiliinikkut. Ikereernermi akiliisoqartarpoq.

Nerisassannik pisisoqarsinnaava?

• • Nerisassanik umiarsuarmi pisisoqarsinnaavoq, tassani cafeteeriaqarpoq.

Qanoq iliussaanga nakorsaatinik nillataartumiittussanik nassaruma?

• • Ikinermi allaffik saaffigineqassaaq.

Qerisunik nassataqarsinnaavunga?

• • Umiarsuarmi qerititsiveqanngilaq.

Umiarsuarmi pujortartoqarsinnaava?

• • Sarfaq Ittuk pujortartarfiunngilaq, umiarsuulli qaavani pujortartoqarsinnaavoq.

Sarfaq Ittummi aningaasanik tigusisoqarsinnaava?

• • Pilittap allaffiani aningaasanik tigusisoqarsinnaavoq. Akiliummik, Dankortimik aamma kreditkortimik aningaasanik tigusisoqarsinnaavoq.

Umiarsuarmi aningaasanik aggortitsisoqarsinnaava?

• • Umiarsuarmi aningaasanik oorinut aggortitsisoqarsinnaavoq. Umiarsuup quleruaata aappaani automatimik aggortitsiveqarpoq.

Uumasuutinik umiarsuarmut ilaasoqarsinnaava?

• • Aap, qimmimik qitsummillu ilaatitsisoqarsinnaavoq. (Angalaneq akunnernik 36-nik sivisunerusinnaanngilaq). Kapitissimanermut uppernarsaammik aamma uumasunik angallassinermi karsi atorneqartartoq akuerisaasoq piumasaqaataapput. Uumasuutinik ilaatitsineq 300 koruuninik akeqarpoq umiarsuarmi akilerneqartussat. Maluginiaruk qimmeq/qitsuk umiarsuarsuup qaavani silami karsimiissammata.

Umiarsuarmi ledningertaqanngitsumik internettimut attaveqarpa?

• • Aap, Sarfaq Ittummi ledningertaqanngitsumik internettimut attaveqarpoq. Akunnerit ataannartut marluk 100 koruuninik akeqarpoq.

Meriannguleruma qanoq iliussaanga?

• • Cafeteeriami merianngunaveersaatisisoqarsinnaavoq.

Nuummi tulaqqanermi umiarsuarmiiginnartoqarsinnaava?

• • Tamaaliortoqarsinnaavoq, allamik aaqqissuussisoqarsimanngippat. Tamanna siumut ilisimaneqariissaaq ilaasunullu nalunaarutigineqarluni.

Qanoq ilinikkut initamiit matusartumit/initamit paarnaartartumit aneriissaanga?

• • Ulluunerani initamit akisunermit/kupémit umiarsuup umiarsualivimmut tikinnissaa nalunaaquttap akunnerani ataatsimik sioqqullugu anereersimassaatit. Ullaaralaakkut tikinnermi umiarsualivimmut talinnermi anereertoqassaaq.

ANGALANERUP KINGORNA

Pigisama ilaanik umiarsuarmi aserortoqarsimappat qanoq iliussaanga?

• • Umiarsuaq qimatsinnagu pilittap allaffianut saaffiginnissaatit. Taava tassani ikiorneqassaatit.

Qanoq ilillunga billitsera atorunnaartissinnaavara?

Eqqaamajuk aallarnissaagaluaq sioqqullugu atorunnaartissagakkut taamaaliunngikkuit billettip akiata 50 %-ia annaassagakku. Billetti pisiffigisimasanni atorunnaartissavat:

• • Online-kkut inniminniineq: Nittartagaq ammariarlugu atorunnaartissavat.
• • Angalatitsivik aqqutigalugu inniminniisimaguit: Angalatitsivik attaveqarfigissavat.

Utertitsinermut malittarisassat qanoq ittuuppat?

• • Aallannginnermi: Online-kkut inniminniineq: Billetti utertinneqarsinnaavoq angalanissap isorartussusianut ataatsimut inummut ataatsimut akiliutigineqassaaq 75 kr.
• • Aallarnissaagaluap kingorna: Online-kkut inniminniineq: Billetti utertinneqarsinnaavoq inummut ataatsimut 50 % akiliutigineqassaaq.
• • Angalatitsivik aqqutigalugu: Angalatitsivik saaffigissavat.

Umiarsuarmi qimataqarsimaguma qanoq iliussaanga?

• • Arctic Umiaq Line saaffigissavat info @ aul . gl imaluunniit telefonikkut 34 91 90.