Ilisimassallugit iluaqutaasut

M/S SARFAQ ITTUK 1992-imi sananeqarpoq nutarterneqarlunilu tallineqarpoq 1999/2000 ukiukkut. Maannakkut 73 meterinik takissuseqarpoq 11 meterinillu silitsigaluni. Motooreqarpoq 2000 HK-nik 13 knobinillu sukkassuseqarluni ingerlaarsinnaavoq.

Umiarsuaq 237-inik ilaasoqarsinnaavoq, inuttallu 22-upput.

Unnuinissamut periarfissat imatut agguataarneqarput parnaartartut 26-t sisamakkaartunik siniffillit, uffarfilik, perusuersartarfilik, aamma ammaannartut 133-nik innarfissallit.

Umiarsuaq Det Norske Veritasimit akuerisaavoq imaani sikoqartuni angalasinnaanermut.

 

Umiarsuarmiitillutit paasissutissanik amigaateqaruit umiarsuup qaavani 3-mi paasissutissiisarfimmut saaffiginnissinnaavutit.

Nassatat inummut ataatsimut annerpaamik 30 kg-mik oqimaassusseqassapput, soorlu kufferti, taski.

Umiarsuup qaavani 1, 2 aamma 3-mi nassatanut inissiiffissaqarpoq ilaasunut ammaannartuniittunut atugassaasunik.

Barnevogit – Nassataqarneq ajornanngilaq, nassarneri akeqanngillat.

Qajaq – Nassarneqarsinnaavoq, umiarsuarmi kr. 300,-mik akiliilluni.

Sikkilit – Nassarneqarsinnaapput, umiarsuarmi kr. 300,-mik akiliilluni.

Umiarsuup aquani imaluunniit Cafe´Sarfaq-mi internetsersinnaavutit ataannartumik DKK. 50,-mik akileeqqarnikkut minutsini 30-ni.

Arctic Umiaq Linemit isumannaallisaaneq pingaartilluinnarneqarpoq tamannalu Sarfaq Ittummi ilaanermi ulluinnarni assigiinngitsutigut malugineqarsinnaavoq. Inuttat sungiusimasarivaat piffissaq tamakkerlugu isumannaallisaanermi piumasaqaatit sakkortunerpaat aamma nalinginnaasut tunngavigalugit sungiusartarneq aamma iliuuseqartarneq. Inuttat ilinniarluarsimasuupput Kalaallit Nunaatalu sineriaani angalaneq annertuumik misilittagaqarfigalugu. Piffissap ilaani ilaasunit misigineqartassaaq ikkuallattoornissamut aamma isumannaallisaanermut sungiusartoqarnera. Sungiusartarnerit pisariaqartuupput sapinngisamik inuttat annertunerpaamik misilittagaqalernissaannut, arlaatigut ajornartorsiornermik pisoqassagaluarpat.

Sarfaq Ittuk-p iluani pujortartoqaqqusaanngilaq. Umiarsuup qaavani silami 4 aamma 5-mi killilerneqarsimasunik pujortartarfeqarpoq. (Amma atuuppoq elektronikkimik sikaritsimut)

Sarfaq Ittuk qerititsiveqanngilaq kisianni umiarsuup qaavani 4-mi thermo karsi qerisunut ilitsivigineqarsinnaasumik peqarpoq, karsimiititsineq inuup nammineq akisussaaffigaa. Isumatusaanerussaaq qerisuutitit atinnik allaqqasoqarpat, paarlaattoortannginnissaa pinaveersaarlugu.

Umiarsuarmut ikinermi aallaasit tamarmik aquttumut tunniunneqassapput.

Angalanermi uumasuutit nassarneqarsinnaapput. Uumasuutit ataasiinnaq nassarsinnaavat. Taamaattorli angalaneq nalunaaquttap akunnerinik 36-nik sivisunerussanngilaq.

Qimminut qitsunnullu atuutsinneqartoq tassaavoq angalanerup nalaani ilaasut isersimasarfianneeqqusaannginnerat sapigaqartut eqqarsaatigalugit.

Ikinerni umiarsuarmi sulisut saaffigkkit, uumasuutivit sumut inissinnissaa pillugu ilitsersuutissavaatit.

Angalanissamut inniminniinermi aamma umiarsuarmut ikinermi akiuussutissanut uppernarsaat atuuttoq takutinneqassaaq. Qimmit aamma qitsuit karsimi angallassissummi akuerisaasumiissapput aamma taamaallaat nassarneqarsinnaapput umiarsuup qaavaniissinnaappata.

Karsip angallassissutip pissarsiarinissaa nammineq akisussaaffigineqarpoq.

Akiliineq: Qitsuutit imaluunniit qimmiutit nassarniarukku 300 koruuninik akeqarpoq. Aningaasat taakku ikinermi paasiniaasarfimmi akilerneqassapput.

Allanik apeqqutissaqaruit nangaassuteqarnak attaveqarfigissavatsigut mailikkut: info@aul.gl.

Imarsiornermi meriannguneq naviananngilaq pinaveersaartinneqarsinnaallunilu. Café Sarfami nioqqutigineqarput ‘Seabands’ taakku pinngortitameersuupput merianngunaveersaataallutik. ‘Seabands’ paffinnut ikkunneqassapput.  Nalorniguit umiarsuarmi inuttat aperikkit, taakku tamatigut ikiuinissaminnut piareersimapput.

Umiarsuup angissusia aamma sananeqarnera pissutigalugu issiavimmik kaassuartakkamik atuisunut periarfissat killeqarput.

Issiavik kaassuartakkamik atuisuuneq pillugu umiarsuaq siusinaarluni paasitinneqassaaq.

Juuni, juuli aamma aggustimi ilaasunut umiarsuarmi ilisimasortaqartarpoq. Umiarsuarmi ilisimasortaq Kalaallit Nunaat pillugu assigiinngitsunik nassuiaassisarpoq, kiisalu illoqarfiit minnerusut/nunaqarfiit ilaanni angallassisarluni.

Umiarsuarmi inuttat sukkulluunniit pissarsiarisinnaavatit. Unnuakkut tassanngaannartumik pisoqartillugu umiarsuup qaavata 3-anni Paasissutissiisarfiup eqqaani toortagaq toorsinnaavat.

Meeqqat billitsiinut akikillisaassut

0-inik ukiullit: 100 %
1-inik – 11-inut ukiullit ilanngullugit: 50 %

 

Utoqqaat, siusinaartumik pensionisiallit billitsinut akikillisaat.

Akikillissaat 50 %. (Affaannarmik)

Utoqqalillutik 65-inik ukiulinniit, siusinaartumillu pensionisialinnut piffissami 01.januar – 31.maj aamma 01.september – 31.december atuuppoq.

Ammaannartumi piffissami 01.juni – 31.august akikillisaat 25%

Parnaartartumi piffissami 01.juni – 31.august akikillissaat atuutinngilaq.

Angalareernerup kingorna akikillissaat ilanngaatigineqarsinnaanngilaq.

Akigitinneqartunut danskit koruunii (DKK) atuupput. Akigitinneqartunut tuniniaanermi akitsuut ilaangunneqanngilaq. Akigitinneqartut allattorsimaffianni kukkusoqarsinnaanera sillimaffigineqarpoq. Akikillisaaffigineqarluni uppernarsaatit nassarneqassapput.

 

Akikillisaatit allat: Angalareernerup kingorna akikillisaat ilanngaatigineqarsinnaanngilaq