1. BILLETSIT

Inniminniineq https://aul.gl/ -imi pisarpoq. Akiliinermi inniminniinerup akuersissutaa nassiunneqartarpoq. Akuersissut akiliinerlu angalanermi tamanut atuuttunik ilaqarpoq.

Ikinermi billetsi takutinneqassaaq. Billetsi booking-normoqarpoq, Arctic Umiaq Line A/S-imullu saaffiginninnermi ilisimatitsissutigineqassalluni.

a) Akitsuutit

Onlinekkut pisinermi billetsip akiata qaavatigut 90,00 DKK-mik akeqarpoq
Sinersortaammi billetsisinermi qaavatigut 250,00 DKK-mik akeqarpoq
Pingajuusumiit billetsisinermi akitsuutit Arctic Umiaq Line A/S-ip susassarinngilai

b) GO-billetsi

i. GO-billetsi allanngortinneqarsinnaanngilaq taamaatinneqarsinnaananilu taamaallaat angalanissamut pilersaarummut inuttaanullu atuuppoq.

ii. GO-billetsimut akikilliliinerit atuutinngillat.

iii. GO-billetsi allanngortissinnaanngilaq (assersuutigalugu ammasumiit ammaannartoq Premium-imut nuutsinneqarsinnaanani).

c) Billetsi-NALIGINNAASOQ

i. Billetsi-NALIGGINNAASOQ aallarnissap 24 tiimit kingusinnerpaamik sioqqutsilluni allanngortinneqarsinnaavoq, inniminniinermilu ataatsimi allannguinermut akitsuut 90,00 DKK-uvoq.

ii. Billetsi-NALIGINNAASOQ allanngortinneqarsinnaavoq aallarfissaraluaq sioqqullugu kingusinnerusukkulluunniit, innimikkap angalanerup pilersaarutaa assigippagu. Inniminneermermi ataatsimi akitsuut 90,00 DKK-uvoq + billetsip allanngorneranut allannguut:

Kaajallaanerup siulianukartissinnaanngilaq inniminnikkap kaajallaanera allaaneruppat.
Kaajallaanerup tullianukartissinnaanngilaq inniminnikkap kaajallaanera allaaneruppat.
Kaajallaanerup tullia siulialuunniit allaaneruppat inniminnigaq allanngortissinnaanngilaq siulianut tullianulluunniit.
Billetsi allanngortitami akisuneruppat assigiinngissutaa akilerneqassaaq, saniatigullu pisisup allannguinermut akitsuut akilissavaa inniminniinermi ataatsimi 90,00 DKK-mik akilik.
Billetsi allanngortitami akikinneruppat assigiinngissutaa utertinneqassaaq, saniatigullu pisisup allannguinermi akitsuut akilissavaa inniminniinermi ataatsimi 90,00 DKK-mik akilik.

iii. NALIGINNAASOQ-billetseq pisiarisimasaq allanngortinneqarsinnaavoq immikkoortoq 2 ii. ataaniittoq malillugu. Billetsit taamaatinniakkat aallarnissaq 24 tiimit sioqquppagu uttertinneqarsinnaanngillat.

iv. Billetsinut-NALIGINNAASUNUT neqeroorusiornerit atuupput.

v. Periarfissaavoq pisiarisimasap qaffannissaa apparnissaaluunniit (assersuutigalugu billetsi ammaannartumiit ammaannartumut Premium-imut billetsi-NALIGINNAASOQ atorlugu nuuttoqarsinnaavoq allannguinermilu akitsuut 90,00 DKK-mik akilik akiligassaalluni, inniminniinermi ataatsimi aammattaaq ammaannartumiit Premium-imiit ammaannartumut nuukkaanni akiligassaavoq akitsuut 90,00 DKK-mik akilik inniminniinermi ataatsimi akiligassaalluni).

2. TAAMAATITSINEQ UTERTITSINERLU

i. Ilaannakortumik tamakkiisumilluunniit billetsip akia utertinneqarsinnaavoq billetsi-NALIGINNAASUUPPAT billetsi-EQAATSUUPPALLUUNNIIT, kingusinnerpaamillu taamaatinneqassalluni aallarfissaraluaq 24 tiimit sioqqullugit.

a) GO-billetsimik utertitsineq

i. Taamaatitsisoqaraangat GO-billetsimik utertitsinerup annertussusaa:

Aallarnissamut ullut 90-it amerlanerilluunniit: 0%
Aallarnissamut ullut 60-iniit 89-inut: 0%
Aallarnissamut ullut 30-niit 59-inut: 0%
Aallarnissamut ullut Arfineq-marlunniit (7) – 29-inut: 0%
Aallarnissamut 24 tiiminiit ullut arfinilinnut (6): 0%
Aallarnissamut 24 tiimit ataappagu: 0%
Takkutinngitsoorneq: 0%

b) Billetsi-NALIGINNAASUMIK utertitsineq

i. Taamaatitsisoqaraangat billetsimik-NALIGINNAASUMIK utertitsinerup annertussusaa:

Aallarnissamut ullut 90-it amerlanerilluunniit: 90%
Aallarnissamut ullut 60-iniit 89-inut: 80%
Aallarnissamut ullut 30-niit 59-inut: 60%
Aallarnissamut ullut Arfineq-marlunniit (7) – 29-inut: 40%
Aallarnissamut 24 tiiminiit ullut arfinilinnut (6): 20%
Aallarnissamut 24 tiimit ataappagu: 0%
Takkutinngitsoorneq: 0%

ii. Utertitsinermi akitsuut 90,00 DKK-mik akilik Ilaasumut ataatsimut akilerneqartarpoq.

c) Ilassutinik pisisimanermi utertitsineq

i. Ilassutinik soorlu nerisassanik, tippinik, wi-fi-mik, angalaarnernillu taamaatitsisoqaraangat utertitsinerup annertussusaa imaattarpoq:

Aallarnissamut ullut 30-t amerlanerilluunniit sioqqullugu: 100%
Aallarnissamut ullut arfineq-marlunniit (7) 29-t siioqqullu: 50%
Aallarnissamut ullut arfineq-marlunniit (7) ikinneruppata: 0%
Takkutinngitsoorneq: 0%

ii. Ilassutinik pisinermi utertitsinermi akitsuuteqanngilaq 0,00 DKK.

d) Akitsuutinik utertitsineq

i. Akitsuutit soorlu tunisinermi allannguinermilu akitsuutit billetsi qanorluunniit ikkaluarpat utertinneqarsinnaanngillat.

3. TAAMAATITSINERIT ALLANNGUINERILLU

i. Angalanermut piffissat takussutissaasut qulakkeeqqissaarsinnaanngillat. Arctic Umiaq Line A/S pisinnaatitaavoq aallarfissat ataasiakkaat taamaatissinnaanissaanut aallarfissaasullu allanngortinnissaanut. Takkutinngitsoortoqaraangat Arctic Umiaq Line A/S taarsiineq ajorpoq, allannguinermut taamaatitsinerluunniit peqqutaasinnaasarput ikisussat ikippallaarneri, silataani pissutsit pisut, soorlu suliumajunnaarnernerit, anorersuarnerit, silamit peqquteqartut, kinguaattoornerit, ajunaarnersuit, sorsuttoqarnera, nappaatinik tunillaassuuttoqarnera, tekniskiusunit peqquteqarnerit, pisortanit piumasaqaatit. Peqquterpassuusinnaapput.

ii. Arctic Umiaq Line A/S-ip pisinnaatitaaffigivaa ilaasoq inniminnersimasamiit allamut nuunnissaanut angalanerup tamakkiisuanik ilaannakortaanilluunniit, inniminnersimasamiillu aki assigiinngissut utertinneqassaaq.

iii. Sikorsuit/iluliarsuit arlaalluunniit pinngortitamiit unittoortitsisinnaasut, pisortaniilluunniit piumasaqaatit ingerlatitsisinnaajunnaarpata, Arctic Umiaq Line A/S-ip angalaneq taamaatissinnaavaa qaninnerpaamullu tulattarfimmukarluni. Angalaneq ingerlaqqilissaaq sukkanerpaamik periarfissaalertillugu.

4. NEQEROORUSIORNERIT

i. Neqeroorusiornerit Entre-nut, ammaannartunut, ammaannartunut Premium-inut atuupput.

Neqeroorusiornerit GO-billetsinut atuutinngillat.
Neqeroorusiornerit akitsuutinut atuutinngillat.
Neqeroorusiornerit matusartunut suites-inullu atuutinngillat.

a) Meeqqanut akikilliliinerit:

Qaammat 0-miit qaammatit 12 ilanngullugit ukiulik: 100%-imik akikilliliivigineqartarput.
Ukiut 1-niit ukiut 11-ut ilanngullugit ukiullit: 50%-mik akikilliliivigineqartarput.

b) Pensionisiallit nunatsinni najugallit:

Utoqqalinersiallit ukiukkut, upernaakkut, aasakkut, akiakkullu: 25%-mik akikilliliivigineqartarput.
Siusinaartumik sulisinnaajunnaarnersiutisiallit: ukioq naallugu 25%-mik akikilliliivigineqartarput.
Utoqqalinersiallit Kalaallit Nunaanni najugaqanngitsut akikilliliivigineqarneq ajorput.

ii. Aallarnissaq sioqqullugu pensionistiunermut uppernarsaat takutinneqassaaq.

iii. Sinersortaat aallareersimappat akikilliliisoqarsinnaanngilaq.

iv. Qularuteqaruit pensionisiaqarnermut pillugu kort-i uunga nassiussinnaavat: info@aul.gl

5.Napparsimasut/naartusullu angalanerat

Napparsimasoq angalanermini ikiorneqarnissamik pisariaqartitsippat, peqqinnissaqarfiup Arctic Umiaq Line imaluunniit angalatitsivik inniminniiffigisaq ilisimatinneqassaaq. Pisuni immikkut ittuni inuttat nakorsamit nakorsiartinneqarnissamik piumasaqarsinnaapput, inuttat nalilersuinerat silamik misissuinerit, angalanerup sivisussusia il.il. tunngavigalugit.

Napparsimasoq angalanerminilu nakutilliisua inissisimaffimmi ataatsimuussapput.

Umiarsuup Arctic Umiaq Linemut nalunaarutigissavaa inuttat naliliinerat naapertorlugu napparsimasoq peqqinnissakkut ikiorteqartinneqarsimasariaqaraluarluni. Arctic Umiaq Linep Peqqinnissaqarfik oqaloqatigisarpaa angalaffigisartakkaminni napparsimasut peqqinnissakkut ikiorteqartinneqartariaqaraluartut angalatinneqartannginnerat pinngitsoortinniarlugu.

Arnat naartusut sapaatip-akunnerata 35-ata tungaanut kisimiillutik angalasinnaapput, sapaatip-akunneranili 36-miit nakorsap siunnersuutaa malillugu angalasinnaapput.

Arnat qaammatit arfineq-marlunnik naartusut angalanissaannut paasissutissiissutaassaaq angalaneq ernisussutaalersinnaasoq.

6. ANGALANERMI NASSATAT

i. 30 kg tikillugu angalaninni nassarsinnaavatit Entre-mi, ammaannartumi, ammaannartumi Premium-imi, matusartumi Suitesiluunniit.

ii. Angalanermi nassatat naliginnaasut nassarneqartussat tassaapput, kuffertit, taskit, puut assigisaallu.

iii. Oqimaanneruppat saniatigut kg-mut 10,00 DKK-mik akeqarpoq + akitsuut 200,00 DKK-mik akilik akiligassaalluni.

iv. Oqimaassutsimik qaangiineq akigititanut nassiunneqassaaq sinersortaammi nassatatut.

7. PINGAJUUSUMIIT ANGALANEQ

i. Arctic Umiiaq Line A/S-i pisinnaatitaavoq angalaneq tamaat ilaaluunniit naammassissallugu billetsi Arctic Umiaq Line A/S-imut pingajuusumiit pisiarineqarsimasumit.

ii. Angalanerit uku taamaallaat pingajuusumiit pisiarineqarsinnaapput. Angalanerit uku ilaapput – killigiinnanngilaalli:

Ilulissat – Upernavimmut utimullu
Uummannamiit – Upernavik utimullu

iii. Arctic Umiaq Line A/S-i nalunaaqqaanngivilluni pingajuusuniit angalanernik ilanngussisinnaavoq.

iv. Umiarsuaateqarfimmiit pingajuusumiit angalanerit pigaangata taakkua malittarisassai atuutsinneqartarput, angalanerup naammassinissaata tungaanut.

8. ITIGARTITSINERIT NIUSITSINERILLU

i. Ilaasumik itigartitsineq niusitsinerluunniit angalaneq sioqqullugu angalanerup nalaaniluunniit pisinnaavoq, Arctic Umiaq Line A/S-ip sulisuisa nalilersortarpaat ilaasoq akornutaanersoq. Niusitsinerit pisinnaapput ilaasoq isumannaassutsimut aarlerinartitsippat, billetsimilluunniit atuuttumik takutitsisimanngippat, sulisuniit maleruaqqusat malissimanngippagi, pissulluppat, persuttaaniartutut pissuseqarpat, aserorterisimappat. Peqqutaasinnaasut arlaqarput.

ii. Itigartitsineq niusitsinerluunniit politi-t ikiortigalugit pisinnaavoq.

9. DATANIK ILLERSUINEQ

Qarasaasiakkut inniminniinermi illersugaaneq

i. Inniminniinerpit suliarineqarnissaat qulakkeerniarlugu angalanerullu aaqqissuunneqarnerata ajornartorsiuteqanngitsumik pinissaa naatsorsuutigineqartullu naapertorlugit ingerlanissaa qulakkeerniarlugu, Arctic Umiaq Line A/S-ip inniminniininnut atatillugu paasissutissat tunniussatit, soorlu atit, adressit, oqarasuaatit normui aamma immikkut pisariaqartitaqaruit nerisassanut tunngatillugu piumasaqaatit il.il., atortariaqarpai. Paasissutissat katersorneqartut Arctic Umiaq Line A/S-ip illillu isumaqatigiissutigisimasavit naammassineqarnissaat qulakkeerniarlugu pisariaqarput.

ii. Ingerlatseqatigiiffimmut attuumassuteqartunut imaluunniit allanut ingerlateqqinneqarsinnaapput, takornariarnissamut inniminniinermut atatillugu, takuuk immikkoortoq 7. Arctic Umiaq Line A/S paasissutissanik katersorsimasaminik, soorlu oqarasuaatikkut normuinik, ingerlatitseqqiinissamut, tuniniaanissamut niueqatigiinnermullu pisinnaatitaanngilaq.

iii. Paasissutissatit illersorniarlugit eqqortumik isumannaallisaanissaq, ilaatigut inatsisit atuuttut naapertorlugit paasissutissanik piiaaneq, akisussaaffigilluinnarparput.

10. ISUMAQATIGIISSUTIT EQQARTUUSSIVEQARNERLU

i. Isumaqatigiissutit tamarmik oqaloqatigiinnikkut aaqqinneqassapput.

ii. Angalanippit nalaani arlaannik ajornartorsiuteqalissagaluarpat ingerlaannaq unnerluutigissavat. Ajornartorsiut piffimmi tassani aaqqinneqarsinnaanngippat uagutsinnullu maalaaruteqarniarluit kaammattorpatsigit allakkatigut nassiutissagit angerlarninniit ullut 28-it iluanni.

iii. Pisussaatitaavutit annaasatit ajoqutaasullu annikitsinnissaannut, taamatut pisoqarsimatillugu. Uuminnga ukuninngaluunniit iliuuseqanngikkuit uagutsinnut ajornakusuussaaq ajornartorsiutip aaqqinniarneranut paasiniaqqissaarneranulluunniit. Malitsigisaanillu pisinnaatitaaffeqarputit pigisimasannik taarsiivigitinnissamik, pisoqarsimatillugu annaasaqarninnut pigisatilluunniit annikillineratigut.

iv. Eqqartuussisunut suliassanngortitat Kalaallit Nunaanni Eqqartuussivimmi suliarineqassapput. Kalaallit Nunaanniittut eqqartuussissutit atuutissapput.

Arctic Umiaq Line A/S-imi angalanernut malittarisassat