Assiisivik innersuussutigaarput tassani assit prepress erseqqilluinnartut nassaarisinnaavatit.
Nutaarsiassat
26 november 2025
Arctic Umiaq Line-mut kiffartuussinissamut isumaqatigiissutip nutaap isumaqatigiissutigineqarnera pillugu tusagassiuutitigut nalunaarut
2026-mut aamma 2027-mut sinersortaammik Sarfaq Ittuk-mik ilaasunik angallassineq pillugu Arctic Umiaq Line kiffartuussinissamut isumaqatigiissuteqarfigineqartoq, Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunullu Naalakkersuisup Aqqaluaq B. Egedep Naalakkersuisut sinnerlugit nalunaarutigisinnaavaa.
Naalakkersuisoq Aqqaluaq B. Egede oqarpoq:
”Arctic Umiaq Line suleqatigalugu Sarfaq Ittuk-mik sinersortaammut ilaasunik angallassinerup 2027 tikillugu naanissaalu ilanngullugu sivitsornissaa iluatsimmat, nuannaarutigaara. Sarfaq Ittuk oqaluttuarisaanermi nunatsinnut pingaaruteqarpoq, aammalu ukiorpassuit ingerlaneranni inuiaqatigiinnut kalaallinut aammalu takornarianut tikeraartorisartakkatsinnut nuannaarutaasumik iluaqutaasumillu ataqatigiissumik akigissaartumillu ilaasunik angallassinissaq qulakkeertarsimallugu.”
2026-mut aamma 2027-mut nutaamik kiffartuussinissamut isumaqatigiissuteqarnermi Sarfaq Ittuup Nuummut, Maniitsumut, Kangaamiunut, Sisimiunut, Aasiannut, Qeqertarsuarmut, Ilulissanut, Qeqertarsuatsiaanut, Paamiunut, Arsummut, Qaqortumut kiisalu Narsamut pisarnermisut sapaatip akkunnikkaartumik angalanissamut pilersaarutini ingerlatiinnassavaa.
Arctic Umiaq Linep pisortaanera, Taitsianguaq Olsen, oqarpoq:
”Arctic Umiaq Line A/S-miit nuannaarutigaarput Namminersorlutik Oqartussanut sullissinissamik isumaqatigiissuterput sinersortaatip ukiunik marlunnik sivitsorneqarmat. Taamaasilluni ilaasartaat ‘Sarfaq Ittuk’ ukiuni 2026-mi 2027-milu ilaasunik assartuinissaa qulakkeerneqarpoq. Atuisutta ujartugaattut Qaqortup Ilulissallu akornanni sapaatip akunnikkaartumik angalasarluni sullissisoqartassaaq.”
Qaqortumi Ilulissanilu mittarfissat nutaat 2026-mi ammarpata nunatsinni angallannerup allanngornissaa naatsorsuutigineqarpoq. Tassani pineqarput timmisartumik, umiarsuarmik sineriallu sinerlugu angalasarnerit. Taamaattumik siunissaq pillugu aalajangiisoqarsinnaalinnginnerani allanngornerit taakkua ilisimanissaat paasinissaallu pisariaqartussaavoq.
Taamaattumik angalanerup ilusai nutaat naammattumik ilisimaneqalerpata, siunissami sinersortaammik ilaasunik angallassineq qanoq aaqqissuunneqassanersoq Naalakkersuisut aalajangiissasut pillugu Naalakkersuisoqarfik aamma Arctic Umiaq Line isumaqatigiissuteqarput. Taamaaliornermi angallannermi attaveqaatit innuttaasut pissusiviusuni pisariaqartitaat sapinngisamik pitsaanerpaamik sillimaffigalugu aaqqiisoqarnissaa qulakkiissavarput.
Arctic Umiaq Line A/S – Sea Greenland (ex. Naleraq Sea Safari ApS.) 06.Marts 2025
Taitsianguaq Olsen, Heidi og Preben Jensen
Arctic Umiaq Line A/S aamma Sea Greenland (ex. Naleraq Sea Safari ApS.) isumaqatigiissuteqarput aasaru ukiamullu Ilulissat-niit Uummannaq aamma Upernavik angallavigisalernissaannut, sapaatit akunnikkaartumik. Angalanissamut inniminniiniaraanni nittartagaq www.aul.gl atorlugu inniminniisoqarsinnaavoq tassanittaaq angalanissamik pilersaarutit takuneqarsinnaapput.
Sea Greenland Diskobugt-imi aammalu sineriatsinni angallassisarput angallatit ”Nanunnguaq” aamma “Heidi” atorlugit.
Arctic Umiaq Line A/S ilaasartaat “Sarfaq Ittuk” Ilulissat Qaqortullu akornanni ilaasunik angallassisarpoq.
Angalanissamut pilersaarut 2025
Tusagassiutinut nalunaarut / Pressemeddelelse / Press release
Nuuk 03. december, 2024
Angalanissamut pilersaarut 2025: Angalaffissat ilisarnartut periarfissallu nutaat
Naalakkersuisut Arctic Umiaq Line A/S-ip 2025-mi angalanissamut pilersaarutaa akueraat.
Angalanissamut pilersaarummi nutaami ”Sarfaq Ittuk” Ilulissat Qaqortullu akornanni sapaatip akunnikkaartumik angalasaleqqissaaq – angalaffissat sullitatta akornanni ilisimalluarneqareersut. Taamatuttaaq angalanermi akigititat naliginnaasut uterfigineqassapput.
Tamatuma saniatigut Arctic Umiaq Linep isumaqatigiissuteqarnerasigut Naleraq Sea Safari Ilulissaniit Uummannamut Upernavimmullu angallassisalissaaq.
Aamma piffissami qaninnermi angalatitseqatigiit allat peqatigalugit angalanissamik pilersaarutit ataqatigiissarneqassapput, Nanortalik aamma Qasigiannguit eqqarsaatigalugit.
Angalanissamut pilersaarut akigititallu nittartakkami www.aul.gl-mi takusinnaavatit.
Aappaagu sinerissami angalaqataanissannut tikilluaqquatsigit.
Arctic Umiaq Line 2025-mut aasaanerani umiarsuakkut angallassinissamut immikkut Qaanaamut ingerlaartussamik pilersitsivoq
Arctic Umiaq Line aamma Naleraq Seasafari suleqatigiinnissaminnik isumaqatingiissuteqarput Upernavik, Ukkusissat, Saattut, aammalu Ikerasak angalaffiginissaanut
Ukiut 250-it nunatta sineriaanut atugarissaartitseqataaneq
Arctic Umiaq Line Ilulissap avannaani soqutiginninneq malugaa
Arctic Umiaq Line neqeroorutinik billetsinillu nutaanik 2024-mut pilersitsivoq
Kitaata sineriaata alianaassusersua misigisassarsiorfigiuk: Arctic Umiaq Linep aamma Hurtigruten Norgep naapinnerat immikkuullarissoq
