Arctic Umiaq Line oktoberiup aallaqqaataani 2024-mi angalanissamut innimiinniisinnaanerit ammarpaa. 2024-mi angalanermut neqeroorutit arfinilinngortinneqarput: Ineerartaqanngitsut, Ammaannartut, Ammaannartut Premium, Parnaartartut, Junior Suite aamma Igloo Suite. Saniatigut GO billet-i allanngortinneqarsinnaanngitsoq akikinnerulersunik neqeroorutilik pilersinneqarpoq. Billetsit pingasuulertut tassaapput GO, allanngortinneqarsinnaanngitsoq utertinneqarsinnaanngitsorlu, STANDARD, killeqartumik allanngortinneqarsinnaallunilu utertinneqarsinnaasoq aamma FLEX killeqanngitsumik allanngortinneqarsinnaasoq ullullu 30-uit sioqqullugit 100%-mik akitigut utertinneqarsinnaasoq akunnerillu 24-it sioqqullugit 90%-mik. AUL-ip neqeroorutai tamarmik https://2024.aul.gl/-kkut takuneqarsinnaapput.
”GO billet-i nunaqqatitsinnut inersimasunut angalanissaminnut allannguinissamut pisariaqartitsinngitsunut tulluarsagaavoq. STANDARD FLEX-illu suli aalajangiusimavinnginnissaminnut pisariaqartitsisunut tulluarsagaapput. Akisunerni Junior Suite-it qulinik ilalerpagut, takornariat aappariit pigissaartunut tulluarsakkat nammattakkanillu puiaanermut sivisuulaamik najugaqarnerminiit pisariaqartitsisartut. Takornariat tamaaneereerput, nutaajunngillat, pikkoriffigileruniarparput uagut pisariaqartitatsinnut eqquunnerusunik nassaartortarneq, nunaqavissuusugut toqqammavigiuarluarniarluta, soorlu takornariat inissaqartinnerisigut Uummannaq Nanortalillu inuuffiusullu amerlanerit aasaanerani Sarfaq Ittumut naliginnaalertissinnaagigut.” – Jens-Jakob Sandgreen, Arctic Umiaq Line-ip pisortaa oqarpoq.
Ulluinnarnut billetsit ”Ineerartaqanngitsut”
Ineerartaqanngisut atorluarneqarnissaat ilimagineqarpoq ukiormut ilaasuni 20%-i unnuinertaqanngitsumik angalasarmata Ammaannartumik siniffimmik billetsii tunngavilerneqartartut. Aappaagumiit Ammaannartumiit akikinnerusunik AUL neqerooruteqalerpoq naatsorsuutigineqarlunilu diskomi, Maniitsup Sisimiullu akornani aamma Narsap Nanortaliullu akornani atorluarneqarnissai. Assersuutigalugu aasaanerani akit qaffasinnerpaaffiasa nalaani Qaqortumiit Nanortalimmu Ineerartaqanngisumi angalaneq inersimasunut 499 kr-qarpoq, billetsillu akikinnerpaaffianni Sisimiuniit Maniitsuliarneq Ineerartaqanngitsuni inersimasunut 399 kr.-qarluni.
”Nunaqavissuulluta umiarsuarmut billetserseriaaserput aallarnissamut qanittuaraasarnera ersarippoq, taanna kulturi nunatsinni taamaallaat ilisarnanngilaq, nunanili allani aamma atuummat, soorlu København Hovedbanegård-mi billetseerniarnukaraangatta massakkuusumut qimutsuitsorniarluta, takornarialli qaammaterpassuit siorna isumannaareertartut, soorlu uagut nammineq Palma-miit Alcudia-mut Mallorcami bussernissamut billetsit qangaammalli isumannaareersinnaasarigut.” – Jens-Jakob Sandgreen, Arctic Umiaq Line-ip pisortaa oqarpoq.
GO billet-i
Arctic Umiaq Line-up naatsorsuussaraa billet-i GO angalanissaminut allannguinissaminnut pisariaqartitsinngitsuniit atorluarneqarnissaa. Allannguinissamut periarfissat kipinerani allannguinerup aningaasartuutai annaasaqartitsisarnerilu tunngaviujunnaarneraniit akit apparsinnaalerneri periarfissaalerput. Pingaarpoq GO billet-i atorlugu pisigaannit angalanissamut tassunga parnaarsinnaanissaq. Arctic Umiaq Line-up neriuutigaa nunaqavissut siusinnerusumik innimiinneerusulernissat GO billet-i atorlugu.
“Arctic Umiaq Line anguniarpaa ilaasuni assigiinngissinnaaqisut aamma periarfissanik assigiinnginnerusunik neqerooruteqarsinnaaneq. Anaanaasoq meeqaani marluk atuartut Narsamiit Nanortalimmut nassarlugit katillugit 999 kr.-mut billetsersisinnaalersinnaa ammarparput soorlu aamma takornariat aappariit pigissaartut ullut 14-it nunatsinniikkusuttut umiarsuarput aallaavigalugu, timmisartukkut angalanerit, misigisaqartitsinerit, nerisitsinerit, kangerlunni unnuinerit, tamarmik akianut ilaatereerlugit, katillugit 200.000 kr.-ngajammut, Junior Suite-nut 12-nut killilersukkamik Hurtigruten suleqatiginera aqqutigalugu. Takornariat atorlugit tikinneqarsinnaasut ungasissututut nalilerneqartasimagaluartut qanilleriasaarput nunaqarfiillu amerlanerit piffissaqarfigilerlutigit. Takornariat uagutsinnut nunaqavissunut umiarsuakkut kattulluarlugit nukinik nutaanik ammaasinnaanera ersarissiartorpoq.” – Jens-Jakob Sandgreen, Arctic Umiaq Line-ip pisortaa oqarpoq.
Ammaannartoq Premium
2023 tungaanut Sarfaq Ittummi neqeroorutit marluunikuupput: Ammaannartoq Parnaartartorlu. 2023-mi Junior Suite aamma Igloo Suite atuutilerput, naleqartitsinerulerniarnermilu akinik akisunernik malinnaatitsillutik. Ammaannartumiit Parnaartartumut akit assigiinngippallaarneri annikillisarusullugu Arctic Umiaq Line aalajangerpoq Ammaannartoq Premium pilersinniarlugu, akimigut neqeroorutitigullu akornani inissisimasoq, suite-milu neqeroorutaasartut atorniarlugit, soorlu igaffeeraq, qipiit akisillu aqinnerusut, topmadrassi matullu.
“Ammaannartoq Premium timitalersornerani kattussuerisaaseq aallaaviginiarsimavarput. Suite-ni qaffasittumik aallaaviusut ammaannartuni aamma aallaavinngortissinnaallugit aamma ineeranngortillugit matusinnaalersinnaaneri. Ammaannartumi Premium ineeraaqqat katillugit tallimaapput, ineeraaqqat pingasut marlukkaartut, ineeraaqqallu marluk sisamakkaartut. Suliniuutigaarput arriitsumik eqqissisimasumillu angalaneq peqqutigissaartilerniarlugu, soorlu aamma unnuiitigaluni angalaneq kattussiniaanikkut atorluarneqarnerulersinnaanissaa, soorlu Nuup Ilulissalluunniit tungaanut umiarsuarmi angalaatigaluni unnuilluni aqaguanilu ullaaralaakkut apuulluni, mittarfiliarnissamut piffissagissaarluni, timmisartorsuarniillu tikittut umiarsuarmut ikinissaminut piffissaqartillugit.” – Arctic Umiaq Line pisortaa Jens-Jakob Sandgreen naggasiivoq.
Uummannap Nanortaliullu akornani Juunimiit Oktoberimut
Sarfaq Ittuk Juunip aallaqqaataaniit Oktoberiup 19-nut 2024 tikittagassai tassaapput: Uummannaq, Ilulissat, Qasigiannguit, Qeqertarsuaq, Aasiaat, Kangaatsiaq, Attu, Sisimiut, Itilleq, Kangaamiut, Maniitsoq, Nuuk, Nuup Kangerlua, Qeqertarsuatsiaat, Paamiut, Arsuk, Narsaq, Qaqortoq aamma Nanortalik sapaatit akunnerit marlukkaarlugit.
