1. BILLETSIT

Inniminniineq https://aul.gl/ -imi pisarpoq. Akiliinermi inniminniinerup akuersissutaa nassiunneqartarpoq. Akuersissut akiliinerlu angalanermi tamanut atuuttunik ilaqarpoq.

Ikinermi billetsi takutinneqassaaq. Billetsi booking-normoqarpoq, Arctic Umiaq Line A/S-imullu saaffiginninnermi ilisimatitsissutigineqassalluni.

a) Akitsuutit

Onlinekkut pisinermi billetsip akiata qaavatigut 90,00 DKK-mik akeqarpoq
Sinersortaammi billetsisinermi qaavatigut 250,00 DKK-mik akeqarpoq
Pingajuusumiit billetsisinermi akitsuutit Arctic Umiaq Line A/S-ip susassarinngilai

b) GO-billetsi

i. GO-billetsi allanngortinneqarsinnaanngilaq taamaatinneqarsinnaananilu taamaallaat angalanissamut pilersaarummut inuttaanullu atuuppoq.

ii. GO-billetsimut akikilliliinerit atuutinngillat.

iii. GO-billetsi allanngortissinnaanngilaq (assersuutigalugu ammasumiit ammaannartoq Premium-imut nuutsinneqarsinnaanani).

c) Billetsi-NALIGINNAASOQ

i. Billetsi-NALIGGINNAASOQ aallarnissap 24 tiimit kingusinnerpaamik sioqqutsilluni allanngortinneqarsinnaavoq, inniminniinermilu ataatsimi allannguinermut akitsuut 90,00 DKK-uvoq.

ii. Billetsi-NALIGINNAASOQ allanngortinneqarsinnaavoq aallarfissaraluaq sioqqullugu kingusinnerusukkulluunniit, innimikkap angalanerup pilersaarutaa assigippagu. Inniminneermermi ataatsimi akitsuut 90,00 DKK-uvoq + billetsip allanngorneranut allannguut:

Kaajallaanerup siulianukartissinnaanngilaq inniminnikkap kaajallaanera allaaneruppat.
Kaajallaanerup tullianukartissinnaanngilaq inniminnikkap kaajallaanera allaaneruppat.
Kaajallaanerup tullia siulialuunniit allaaneruppat inniminnigaq allanngortissinnaanngilaq siulianut tullianulluunniit.
Billetsi allanngortitami akisuneruppat assigiinngissutaa akilerneqassaaq, saniatigullu pisisup allannguinermut akitsuut akilissavaa inniminniinermi ataatsimi 90,00 DKK-mik akilik.
Billetsi allanngortitami akikinneruppat assigiinngissutaa utertinneqassaaq, saniatigullu pisisup allannguinermi akitsuut akilissavaa inniminniinermi ataatsimi 90,00 DKK-mik akilik.

iii. NALIGINNAASOQ-billetseq pisiarisimasaq allanngortinneqarsinnaavoq immikkoortoq 2 ii. ataaniittoq malillugu. Billetsit taamaatinniakkat aallarnissaq 24 tiimit sioqquppagu uttertinneqarsinnaanngillat.

iv. Billetsinut-NALIGINNAASUNUT neqeroorusiornerit atuupput.

v. Periarfissaavoq pisiarisimasap qaffannissaa apparnissaaluunniit (assersuutigalugu billetsi ammaannartumiit ammaannartumut Premium-imut billetsi-NALIGINNAASOQ atorlugu nuuttoqarsinnaavoq allannguinermilu akitsuut 90,00 DKK-mik akilik akiligassaalluni, inniminniinermi ataatsimi aammattaaq ammaannartumiit Premium-imiit ammaannartumut nuukkaanni akiligassaavoq akitsuut 90,00 DKK-mik akilik inniminniinermi ataatsimi akiligassaalluni).

d) Billetsi-EQAATSOQ

I. Billetsi eqaatsoq aallarfissaq 24 tiimit tikillugu allanngortinneqarsinnaavoq inniminniinermilu ataatsimi akitsuut 90,00 DKK-mik akilik akiligassaalluni.

ii. Billetsi-EQAATSOQ angalanermut pilersaarummut allanngortinneqarsinnaavoq inniminniinermilu ataatsimi akitsuut 90,00 DKK-mik akilik akiligassaavoq + billetsip akiata assigiinngissutaa.

iii. Angalanissap pilersaarutaanut billetsi akisuneruppat assigiinngissutaa akilerneqassaaq, saniatigullu inniminniinermi ataatsimi pisisup allannguinermi akitsuut 90,00 DKK-mik akilik akilissavaa.

iv. Angalanissap pilersaarutaanut billetsi akikinneruppat assigiinngissutaa utertinneqassaaq, saniatigullu inniminniinermi ataatsimi pisisup allannguinermi akitsuut 90,00 DKK-mik akilik akilissavaa.

v. Billetsi-EQAATSOQ pisiarisimasaq allanngortinneqarsinnaavoq immikkoortoq 2 ii. ataaniittoq malillugu. Billetsit taamaatinniakkat aallarnissaq 24 tiimit sioqquppagu utertinneqarsinnaanngillat.

vi. Billetsit-EQAATSUNUT neqeroorusiornerit atuupput.

vii. Pisiaq akikinnermut akisunnermulluunniit nuutsinneqarsinnaavoq.

viii. Assersuutigalugu billetsi-EQAATSOQ ammaannartumiit ammaannartumut Premium-imut nuutsinneqarsinnaavoq inniminniinermi ataatsimi akitsuut 90,00 DKK-mik akilik akilerlugu. Aammattaaq akikinnermukartoqarsinnaavoq soorlu ammaannartumiit Premium-imiit ammaannartumut inniminniinermi ataatsmi billetsi-EQAATSOQ atorlugu allannguinermullu akitsuut 90,00 DKK-mik akilik akilerneqassaaq.

e) Kaajallaalluni angalanerit

i. Junip aallaqqaataaniit 2024-miit oktoberip 13-iata tungaanut kaajallaalluni angalanerit Junior Suites-ini nuummiit nuummut billetsit-EQAATSUTULLI ittuupput, killeqarlutillu pisiassat angalanernut pingasunut.

Billetsi allamut kaajallaanermut angalanermut nuutsinneqarsinnaavoq.
Angalanermut pilersaarummut allaanerusumut nuutsinneqarsinnaanngilaq.

2. TAAMAATITSINEQ UTERTITSINERLU

i. Ilaannakortumik tamakkiisumilluunniit billetsip akia utertinneqarsinnaavoq billetsi-NALIGINNAASUUPPAT billetsi-EQAATSUUPPALLUUNNIIT, kingusinnerpaamillu taamaatinneqassalluni aallarfissaraluaq 24 tiimit sioqqullugit.

a) GO-billetsimik utertitsineq

i. Taamaatitsisoqaraangat GO-billetsimik utertitsinerup annertussusaa:

Aallarnissamut ullut 90-it amerlanerilluunniit: 0%
Aallarnissamut ullut 60-iniit 89-inut: 0%
Aallarnissamut ullut 30-niit 59-inut: 0%
Aallarnissamut ullut Arfineq-marlunniit (7) – 29-inut: 0%
Aallarnissamut 24 tiiminiit ullut arfinilinnut (6): 0%
Aallarnissamut 24 tiimit ataappagu: 0%
Takkutinngitsoorneq: 0%

b) Billetsi-NALIGINNAASUMIK utertitsineq

i. Taamaatitsisoqaraangat billetsimik-NALIGINNAASUMIK utertitsinerup annertussusaa:

Aallarnissamut ullut 90-it amerlanerilluunniit: 90%
Aallarnissamut ullut 60-iniit 89-inut: 80%
Aallarnissamut ullut 30-niit 59-inut: 60%
Aallarnissamut ullut Arfineq-marlunniit (7) – 29-inut: 40%
Aallarnissamut 24 tiiminiit ullut arfinilinnut (6): 20%
Aallarnissamut 24 tiimit ataappagu: 0%
Takkutinngitsoorneq: 0%

ii. Utertitsinermi akitsuut 90,00 DKK-mik akilik Ilaasumut ataatsimut akilerneqartarpoq.

c) Billetsimik-EQAATSUMIK utertitsineq

i. Taamaatitsisoqaraangat billetsimik-EQAATSUMIK utertitsinerup annertussusaa:

Aallarnissamut ullut 90-it amerlanerilluunniit: 100%
Aallarnissamut ullut 60-iniit 89-inut: 100%
Aallarnissamut ullut 30-niit 59-inut: 100%
Aallarnissamut ullut Arfineq-marlunniit (7) – 29-inut: 90%
Aallarnissamut 24 tiiminiit ullut arfinilinnut (6): 90%
Aallarnissamut 24 tiimit ataappagu: 0%
Takkutinngitsoorneq: 0%

ii. Utertitsinermi akitsuut 90,00 DKK-mik akilik Ilaasumut ataatsimut akilerneqartarpoq.

d) Ilassutinik pisisimanermi utertitsineq

i. Ilassutinik soorlu nerisassanik, tippinik, wi-fi-mik, angalaarnernillu taamaatitsisoqaraangat utertitsinerup annertussusaa imaattarpoq:

Aallarnissamut ullut 30-t amerlanerilluunniit sioqqullugu: 100%
Aallarnissamut ullut arfineq-marlunniit (7) 29-t siioqqullu: 50%
Aallarnissamut ullut arfineq-marlunniit (7) ikinneruppata: 0%
Takkutinngitsoorneq: 0%

ii. Ilassutinik pisinermi utertitsinermi akitsuuteqanngilaq 0,00 DKK.

e) Akitsuutinik utertitsineq

i. Akitsuutit soorlu tunisinermi allannguinermilu akitsuutit billetsi qanorluunniit ikkaluarpat utertinneqarsinnaanngillat.

3. TAAMAATITSINERIT ALLANNGUINERILLU

i. Angalanermut piffissat takussutissaasut qulakkeeqqissaarsinnaanngillat. Arctic Umiaq Line A/S pisinnaatitaavoq aallarfissat ataasiakkaat taamaatissinnaanissaanut aallarfissaasullu allanngortinnissaanut. Takkutinngitsoortoqaraangat Arctic Umiaq Line A/S taarsiineq ajorpoq, allannguinermut taamaatitsinerluunniit peqqutaasinnaasarput ikisussat ikippallaarneri, silataani pissutsit pisut, soorlu suliumajunnaarnernerit, anorersuarnerit, silamit peqquteqartut, kinguaattoornerit, ajunaarnersuit, sorsuttoqarnera, nappaatinik tunillaassuuttoqarnera, tekniskiusunit peqquteqarnerit, pisortanit piumasaqaatit. Peqquterpassuusinnaapput.

ii. Arctic Umiaq Line A/S-ip pisinnaatitaaffigivaa ilaasoq inniminnersimasamiit allamut nuunnissaanut angalanerup tamakkiisuanik ilaannakortaanilluunniit, inniminnersimasamiillu aki assigiinngissut utertinneqassaaq.

iii. Sikorsuit/iluliarsuit arlaalluunniit pinngortitamiit unittoortitsisinnaasut, pisortaniilluunniit piumasaqaatit ingerlatitsisinnaajunnaarpata, Arctic Umiaq Line A/S-ip angalaneq taamaatissinnaavaa qaninnerpaamullu tulattarfimmukarluni. Angalaneq ingerlaqqilissaaq sukkanerpaamik periarfissaalertillugu.

4. NEQEROORUSIORNERIT

i. Neqeroorusiornerit Entre-nut, ammaannartunut, ammaannartunut Premium-inut atuupput.

Neqeroorusiornerit GO-billetsinut atuutinngillat.
Neqeroorusiornerit akitsuutinut atuutinngillat.
Neqeroorusiornerit matusartunut suites-inullu atuutinngillat.

a) Meeqqanut akikilliliinerit:

Qaammat 0-miit qaammatit 24 ilanngullugit ukiulik: 100%-imik akikilliliivigineqartarput.
Ukiut 2-niit ukiut 12-ut ilanngullugit ukiullit: 50%-mik akikilliliivigineqartarput.

b) Pensionisiallit nunatsinni najugallit:

Utoqqalinersiallit ukiukkut, upernaakkut, aasakkut, akiakkullu: 50%-mik akikilliliivigineqartarput.
Siusinaartumik sulisinnaajunnaarnersiutisiallit: Ukiukkut, upernaakkut, akiakkullu: 50%-mik akikilliliivigineqartarput.
Siusinaartumik sulisinnaajunnaarnersiutisiallit: Aasakkut 25%-mik akikilliliivigineqartarput.
Utoqqalinersiallit Kalaallit Nunaanni najugaqanngitsut akikilliliivigineqarneq ajorput.

ii. Aallarnissaq sioqqullugu pensionistiunermut uppernarsaat takutinneqassaaq.

iii. Sinersortaat aallareersimappat akikilliliisoqarsinnaanngilaq.

iv. Qularuteqaruit pensionisiaqarnermut pillugu kort-i uunga nassiussinnaavat: info@aul.gl

5. ANGALANERMI NASSATAT

i. 30 kg tikillugu angalaninni nassarsinnaavatit Entre-mi, ammaannartumi, ammaannartumi Premium-imi, matusartumiluunniit.

ii. Suites-iniittunut inummut ataatsimut 60 kg nassarneqarsinnaavoq.

iii. Angalanermi nassatat naliginnaasut nassarneqartussat tassaapput, kuffertit, taskit, puut assigisaallu.

iv. Oqimaanneruppat saniatigut kg-mut 10,00 DKK-mik akeqarpoq + akitsuut 200,00 DKK-mik akilik akiligassaalluni.

v. Oqimaassutsimik qaangiineq akigititanut nassiunneqassaaq sinersortaammi nassatatut.

6. PINGAJUUSUMIIT ANGALANEQ

i. Arctic Umiiaq Line A/S-i pisinnaatitaavoq angalaneq tamaat ilaaluunniit naammassissallugu billetsi Arctic Umiaq Line A/S-imut pingajuusumiit pisiarineqarsimasumit.

ii. Angalanerit uku taamaallaat pingajuusumiit pisiarineqarsinnaapput. Angalanerit uku ilaapput – killigiinnanngilaalli:

Uummannamiit – Upernavimmut utimullu
Uummannamiit – Ikerasammut utimullu
Uummannamiit – Saattunut utimullu
Uummannamiit – Ukkusissanut utimullu

iii. Arctic Umiaq Line A/S-i nalunaaqqaanngivilluni pingajuusuniit angalanernik ilanngussisinnaavoq.

iv. Umiarsuaateqarfimmiit pingajuusumiit angalanerit pigaangata taakkua malittarisassai atuutsinneqartarput, angalanerup naammassinissaata tungaanut.

7. ANGALANERIT/MISIGISASSARSIUUTIT (“Excursions”)

i. Minnerunngitsumik nassuiaammi ersarippoq angalanerit Arctic Umiaq Line A/S-ip inniminniisarfiani tuniniagaasut pingajuusumiit suliarineqartarput.

ii. Angalanerit tamarmik Arctic Umiaq Line A/S-ip inniminniisarfiatigut tuniniarneqartut tassuuna kisimik tunisaasarput; Arctic Umiaq Line A/S-ip aqussinnaanngilai pingajuusup sulisui, neqeroorutai, kiffartuussissutai, tigussaasut arlaalluunniit angalaarnernut attuumassuteqartut. Qaqugukkulluunniit taamaasiortup taamaasioraangat taakkununnga malittarisassat angalanernut atuutsinneqartarput.

iii. Arctic Umiaq Line A/S-i akisussaaffimmik tigusisuutinneqarsinnaanngilaq angalanerit pingajuusumiit isumagineqarsimappata, soorlu assersuutigalugu (kisianni killiginagu):

Taamaatitsinerit
Allannguinerit
Takorluukkat naammagisimaarnanngitsut
Ulluunerani ilaasumik itigartitsineq

8. ITIGARTITSINERIT NIUSITSINERILLU

i. Ilaasumik itigartitsineq niusitsinerluunniit angalaneq sioqqullugu angalanerup nalaaniluunniit pisinnaavoq, Arctic Umiaq Line A/S-ip sulisuisa nalilersortarpaat ilaasoq akornutaanersoq. Niusitsinerit pisinnaapput ilaasoq isumannaassutsimut aarlerinartitsippat, billetsimilluunniit atuuttumik takutitsisimanngippat, sulisuniit maleruaqqusat malissimanngippagi, pissulluppat, persuttaaniartutut pissuseqarpat, aserorterisimappat. Peqqutaasinnaasut arlaqarput.

ii. Itigartitsineq niusitsinerluunniit politi-t ikiortigalugit pisinnaavoq.

9. DATANIK ILLERSUINEQ

i. Inniminniineq isumaginiarlugu isumannaatsiitinniarlugulu angalanermut pilersaarut ajornartorsiutitaqannginnissaa piumasaqaatillu eqqortut pinissaat pillugit, Arctic Umiaq Line A/S-ip atussavai paasissutissat tunniussatit inniminniininnut atatillugu, soorlu atit, najukkat, immikkullu pisariaqartitatit soorlu nerisaqarnikkut allatigulluunniit.

ii. Akisussaaffik tamaat paarilluassavarput isumannaatsuutinnissaanut eqqortumillu sillimaniarnikkut iliornissamut, paasissutissallu tunniussimasatit illersornissai.

10. ISUMAQATIGIISSUTIT EQQARTUUSSIVEQARNERLU

i. Isumaqatigiissutit tamarmik oqaloqatigiinnikkut aaqqinneqassapput.

ii. Angalanippit nalaani arlaannik ajornartorsiuteqalissagaluarpat ingerlaannaq unnerluutigissavat. Ajornartorsiut piffimmi tassani aaqqinneqarsinnaanngippat uagutsinnullu maalaaruteqarniarluit kaammattorpatsigit allakkatigut nassiutissagit angerlarninniit ullut 28-it iluanni.

iii. Pisussaatitaavutit annaasatit ajoqutaasullu annikitsinnissaannut, taamatut pisoqarsimatillugu. Uuminnga ukuninngaluunniit iliuuseqanngikkuit uagutsinnut ajornakusuussaaq ajornartorsiutip aaqqinniarneranut paasiniaqqissaarneranulluunniit. Malitsigisaanillu pisinnaatitaaffeqarputit pigisimasannik taarsiivigitinnissamik, pisoqarsimatillugu annaasaqarninnut pigisatilluunniit annikillineratigut.

iv. Eqqartuussisunut suliassanngortitat Kalaallit Nunaanni Eqqartuussivimmi suliarineqassapput. Kalaallit Nunaanniittut eqqartuussissutit atuutissapput.

Arctic Umiaq Line A/S-imi angalanernut malittarisassat