Angalanissara qanoq inniminnissavara?
Angalanissat inniminnersinnaavat una aqqutigalugu bilitsigit www.aul.gl
Angalanissara qaqugu akilissavara?
Online bookingimi ingerlaannartumik akiliisoqartarpoq korti akiliutigineqartartoq atorlugu. Kortit akiliutaasartut onlinemi akiliinermut atorneqarsinnaasut tassaapput: Dankort/VISA-dankort, Mastercard, Maestro, VISA, VISA Electron aamma JCB.
Qanoq iliussaanga online-kkut inniminniinermi ajornartorsiuleruma?
Saaffigiuk info@aul.gl imaluunniit sianerit uunga 34 91 90.
Siusinnerpaamik/kingusinnerpaamik qanoq ilinikkut Sarfaq Ittummut ikiartussaanga?
Siusinnerpaamik aallarfissaq akunnermik ataatsimik sioqqullugu ikisoqarsinnaavoq.
Kingusinnerpaamik aallarfissaq akunnerup affaanik sioqqullugu ikereersimasoqassaaq.
Malugiuk: Sivikinnerusumik tulassimanermi (umiarsualiviit tulaffiit ilaanni) umiarsuup tulaqqammernerani ikinissamut piareersimasoqassaaq.
Kinguaattoortoqarpat sumi angalanermut paasissutissat pissarsiarineqassappat?
Angalanissamut pilersaarut atuuttoq facebookimi quppernermi uani Arctic Umiaq Line misissoruk.
Qitornara kisimiilluni angalasinnaava?
Meeqqat aqqaneq-marluk ataallugit ukiullit inersimasumik ingiallorteqarlutik angalasassapput. Ingiallortip inigisap assingani, aammalu billitseqatigiillutik angalaqataassapput (soorlu inittami imaluunniit innangaffissami) aamma ingiallortaasorlu assigiimmik billitseqassapput.
Nassatat kiilut qassit nassarsinnaavakka?
Sarfaq Ittummut ilaaninni 30 kiilut nassatarisinnaavatit.
Qanoq iliussaanga ulloq aallarfissara allanngortissagukku?
Illit nammineq bilitsit Onlinekkut pisiarisimagukku, taava Online Booking aqqutigalugu uani ‘My Booking’ allanngortissavat. Nalorniguit taava attaveqarit ugguuna: info@aul.gl imaluunniit 34 91 90
Angalanissat angalatitsivik aqqutigalugu pisiarisimagukku, taava tassunga saaffiginnillutit bilitsit allanngortissinnaavat.
Qanoq iliussaanga aallarnissamut qimataaguma?
Aallarnissamut inortuiugit billitsimik pisiffigisat saaffigissavat; imlt. aallarnissaq nal. akunnerinik 2-nik sioqqullugu allanngortissinnaavat.
