Uppernarsaatinik angalaninnut nassataqassaanga?
Sarfaq Ittummut ilaanissannut billitsit nassassavat. Maannakkut inatsisitigut piumasaqaataanngilaq ikinermi kinaassutsimut uppernarsaatinik takutitsinissaq. Taamaattorli akikillisaassunneqarsimanermi: meeqqanut aamma utoqqalilluni pensionisialinnut akikillisaaneq, uppernarsaammik takutitsinissat piumasarineqarsinnaavoq.
Initanik sanileriinnik pissarsisoqarsinnaava?
Tamanna inissaqartitsinerup ajornartinngippagu. Ikiguit umiarsuup qaavani 3-mi Paasissutissiisarfik saaffigiuk.
Qipiit/oqorutit qalii akianut ilaappat (parnaartartumi/ammaannartumi)?
Parnaartartumi oqorutit aamma allarutit piareersimareerput.
Ammaannartumi periarfissaavoq sinngup puuanik nassarnissaq imaluunniit tippimik pisisoqarsinnaavoq, allarummik atortoqarsinnaavoq. Tungeq aamma akisip puua ataasiartakkat tunniunneqassapput.
Ammaannartumi ilaaguma nassatakka qanoq pissavakka?
Umiarsuarmi nassatanut immikkut ilitsiveqarpoq, tassunga nassatat ilineqartarput. Taakku ammasuupput paarnaarneqarsinnaanatillu. Umiarsuup qaavani 1-imi aamma 2-mi innangaffissat amerlanerit ataanni nassatat inissaqarput.
Pigisat nalillit paarnaarullugit ilineqarsinnaappat?
Torsuusarsuarmi sikaaveqarpoq nalilinnut atorneqarsinnaasunik taasani pigisat nalillit paarnaarunneqarsinnaapput. Sikaavinni paarnaartartuni mobil/tablet/ angallattakkap orsersornissaat periarfissaavoq.
Umiarsuarmi TV-mik isiginnaartoqarsinnaava?
Parnaartartumi fjernsyneqarpoq taanna aliikkusersuinermut atortumut attaveqarpoq. Tassani filmit assigiinngitsut 24-t toqqarsinnaavatit. Sullissineq taanna akeqanngilaq.
Tablet, angallattagaq imaluunniit smartphone atorlugit Café Sarfami imaluunniit aquani isersimaartarfimmi filminik isiginnaarsinnaaneq periarfissaqarpoq.
Barnevognimik nassarsinnaavunga?
Aap barnevognimik nassataqarneq akeqanngilaq.
Sikkilinik nassarsinnaavunga?
Aap periarfissaavoq 300,- koruuninik akiliilluni. Umiarsuup paasissutissiisarfiani akilerneqassaaq.
TV/Fjernsynimik nassarsinnaavunga?
Aap periarfissaavoq 300,- koruuninik akiliilluni. Umiarsuup paasissutissiisarfiani akilerneqassaaq.
Qaannamik nassarsinnaavunga??
Aap periarfissaavoq 300,- koruuninik akiliilluni. Umiarsuup paasissutissiisarfiani akilerneqassaaq.
Umiarsuarmi nerisassanik pisisoqarsinnaava?
Umiarsuarmi Café Sarfaq nerisassanik pisiffigineqarsinnaavoq.
Periarfissaavoq aammattaaq angalanissamut billitsimik pisinermut atatillugu nerisaqarnermut billitsinik pisiaqarsinnaaneq.
Sarfaq Ittummut ikininni nammineq nerisassanik aamma najoqqagassanik nassarsinnaavunga?
Sarfaq Ittummut ilaanermi nammineq nerisassanik aamma najoqqagassanik nassartoqaqqusaanngilaq. Taamaattumik umiarsuup nammineq caféanut, Café Sarfaq, innersuunneqarputit tassani nerisassanik aamma nerisaqarnissamik pisinissamut. Katalogini takusinnaavatit nioqqutigisavut assigiinngitsut aamma Café Sarfami akigitinneqartut.
Qanoq iliussaanga nakorsaatinik nillataartumiittussanik nassaruma?
Umiarsuarmut ikiguit paasissutissiisarfik saaffigiuk.
Qerisunik nassataqarsinnaavunga?
Umiarsuarmi qerititsiveqanngilaq.
Umiarsuarmi pujortartoqarsinnaava?
Sarfaq Ittuk-p iluani pujortaqqusaanngilaq. Umiarsuup qaavani silami 4 aamma 5-mi killilerneqarsimasunik pujortarfissaqarpoq. (Aamma atuuppoq elektronikkimik sikaritsimut)
Sarfaq Ittummi aningaasanik tigusisoqarsinnaava?
Paasissutissiisarfimmi aningaasanik tigusisoqarsinnaavoq. Akiliut, Dankort aamma kreditkortit atorlugit aningaasanik tigusinissaq periarfissaavoq.
Umiarsuarmi aningaasanik aggortitsisoqarsinnaava?
Umiarsuarmi oorinut 20-koruuninut aggortitsisoqarsinnaavoq umiarsuup aquatungaani quleriit 4-ni aggortitsivimmik peqarpoq.
Uumasutit.
Angalanermi qimmeq/qitsuk kisimik nassarneqarsinnaapput. Uumasuutit ataasiinnaq nassarsinnaavat. (Taamaattorli angalaneq nalunaaquttap akunnerinik 36-nik sivisunerussanngilaq.)
Piginnittumiit akiuussutissamut kapitinnermut uppernarsaat nassarneqassaaq, aamma karsi angallassissut akuerisaasoq, umiarsuarmi akiliineq pissaaq angallannera akeqarpoq kr. 300,-
Karsip angallassissutip pissarsiarinissaa nammineq akisussaaffigineqarpoq.
Internet.
Qaammataasamut attaveqarnerup uneqattaartarnera peqqutigalugu umiarsuarmi internetimut attaveqanngilaq.
Meriannguneq.
Umiarsuarmi periarfissaqarputit merianngunaveersammik pisinissannut, (sunniuttarpoq iisinermiit 30 minutsit kingorna) imlt. Sea-band Café Sarfaq-mi pisiarisinnaavat.
Qaqugukkut parnaartartoq qimassavara?
Ullukkut tikinnissaq 1-tiimimik sioqqullugu ini parnaartartoq qimanneqariissaaq, ullaaralaakkut tikinnermi parnaartartoq qimanneqassaaq.
