Sarfaq Ittuk assigiinngitsunik sisamanik inissaqartitsivoq; ammaannartut, paarnaartartullu assigiinngitsut pingasut; Paarnaartartoq, Umiaq Suite Nukarleq, Igdlo Suite.
Ammaannartut
Amerlassutsit: 126
Ammaannartuni 8-it tikillugit innarfissaqarpoq. Torsuusami tamanit atorneqarsinnaasunik perusuersartarfeqarlunilu uffarfeqarpoq. Ilaasussat ilaat namminneq sinngup puuanik nassartarput, aammali periarfissaavoq billitsimik pisinermi imaluunniit umiarsuarmi tippimik pisisoqarsinnaalluni. Innangaffissat umiarsuup quleriinni 1, 2 aamma 3-mi inissisimapput, taakkunanilu ilaat igalaaqanngillat.
Paarnaartartoq
Amerlassutsit: 24
Paarnaartartoq ilaqutariinnut, ikinngutigiinnut aappariinnulluunniit nammineerisamik perusuersartarfilimmut ineeraqarusuttunut pitsassuuvoq. Inissaqarluarlunilu atoruminartuuvoq. Paarnaartartut affarleriiaajupput tamarmik paarnaartartuullutik. Inini sisamanik siniffeqarpoq, taakkununnga inummut ataatsimut, inunnut marlunnut, inunnut pingasunut sisamanulluunniit inniminniisoqarsinnaavoq.
Kaffi, tiimullu kissartuliuuteqarpoq amusariaqarlunilu.
Inini allaruteqarpoq.
Init paarnaartartut umiarsuup quleriinni 3 aamma 4-mi inissisimapput.
Ilaasussat tulliuttut eqqarsaatigalugit tikinnissaq nal. akunneranik ataatsimik sioqqullugu inigisaq qimanneqassaaq eqqiaaneq aallartittarmat. Matuersaatillu inigisamut qimanneqassapput.
Umiaq Suite Nukarleq
Amerlassutsit: 2
Sarfaq Ittuk marlunnik Umiaq Suite Nukarlernik inissaateqarpoq, taakkulu umiarsuup quleriinni 3-mi akileriillutik inissisimapput. Marts 2023-mi pilersinneqarput. Ineeraq inunnut malunnut inissaqarpoq, ullut arlallit angalasussanut, sulinermut atatillugu angalasussanut, kisimiillutilluunniit angalasussanut ilorrisimaarusuttunut pitsassuuvoq. Angisuumik isiginnaaruteqarpoq oqarasuaatinut tablet-inut qarasaasiaq angallattakkamulluunniit attavinissinnaasumik.
Ilaasussat tulliuttut eqqarsaatigalugit tikinnissaq nal. akunneranik ataatsimik sioqqullugu inigisaq qimanneqassaaq eqqiaaneq aallartittarmat. Matuersaatillu inigisamut qimanneqassapput.
Igdlo Suite
Amerlassutsit: 1
Umiarsuarmi Igdlo Suite ataasiinnaavoq, umiarsuullu saava tungaani saamerlermi inissisimalluni. Umiaq Suite Nukarliup angissusaata marloriaataanik angissuseqarpoq, Marts 2023-milu pilersinneqarluni.
Ini inunnut malunnut inissaqarpoq, ullut arlallit angalasussanut, sulinermut atatillugu angalasussanut, kisimiillutilluunniit angalasussanut ilorrisimaarusuttunut pitsassuuvoq. Angisuumik isiginnaaruteqarpoq oqarasuaatinut tablet-inut qarasaasiaq angallattakkamulluunniit attavinissinnaasumik. Ineeqqanut paarnaartartunut allanut naleqqiullugu perusuersartarfia marloriaammik angineruvoq.
Ilaasussat tulliuttut eqqarsaatigalugit tikinnissaq nal. akunneranik ataatsimik sioqqullugu inigisaq qimanneqassaaq eqqiaaneq aallartittarmat. Matuersaatillu inigisamut qimanneqassapput.
