Ilisimassallugit iluaqutaasut

M/S SARFAQ ITTUK 1992-imi sananeqarpoq nutarterneqarlunilu tallineqarpoq.1999/2000 ukiukkut.

Maannakkut 73 meterinik takissuseqarpoq 11 meterinillu silitsigaluni. Motooreqarpoq 2000 HK-nik 13 knobinillu sukkassuseqarluni ingerlaarsinnaavoq.

Umiarsuarmiipput Cafe Sarfaq, aquani isersimaartarfik avammut isikkivillik aamma meeqqanut pinnguartarfeqarpoq quleriit aappaani

Umiarsuaq 228-inik ilaasoqarsinnaavoq inuttaalu 22-upput.

Unnuinissamut periarfissat imatut agguataarneqarput initani uffarfilinni aamma perusuersartarfilinni  innarfissat 102 aamma ammaannartuni 126-inik innangaffissaqarpoq.

Umiarsuaq Det Norske Veritasimit akuerisaavoq imaani sikoqartuni angalasinnaanermut.

Umiarsuarmut nalunaarsuutit uani takukkit.

Angalanermi kuffertit, taske nassatarineqarsinnaapput 30 kg inummut ataatsimut.

Nassatanik sinniinermi kiilumut DKK 10 + akiliut DKK 200.

Umiarsuarmi quleriinni 1, 2 aamma 3-mi nassatanut inissiiffissaqarpoq ilaasunut ammaannartuniittunut atugassaasunik.

Meeraaqqanut kaassuartakkat/barnevog – akeqanngillat

Tv/Fjernsyn – nassarneqarsinnaavoq, akiliuteqarluni kr. 300,-. umiarsuarmi akilerneqassaaq

Qajaq – nassarneqarsinnaavoq, akiliuteqarluni kr. 300,-. umiarsuarmi akilerneqassaaq

Cykel – nassarneqarsinnaapput, akiliuteqarluni kr. 300,- umiarsuarmi akilerneqassapput

Sisoraatit/løbehjul – nassarneqarsinnaapput, akiliuteqaqqilluni kr. 300,- umiarsuarmi akilerneqassapput

Angalanermi nassatat, nammineq akisussaaffigineqassapput.

 

Umiarsuarmi internet-mut attavilernissamik Café Sarfaq-mi pisisinnaavutit.
1 time / 60 min. DKK 50
3 timer / 180 min. DKK 100
12 timer / 720 min. DKK 200

Arctic Umiaq Linemit isumannaallisaaneq pingaartilluinnarneqarpoq tamannalu Sarfaq lttummi ilaanermi, ulluinnarni assigiinngitsutigut malugineqarsinnaavoq. Inuttat sungiusimasarivaat piffissaq tamakkertugu isumannaallisaanermi piumasaqaatit sakkortunerpaat aamma nalinginnaasut tunngavigalugi sungiusartarneq aamma iliuuseqartarneq. Inuttat ilinniarluarsimasuupput Kalaallit Nunaatalu sineriaani inunni ilaasoqarfuni angallaneq annertuumik misilittagaqarfigalugu. Piffissap ilaani ilaasunit misigineqartassaaq ikkuallattoornissamut aamma isumannaallisaanermut sungiusartoqarnera. Sungiusartarnerit pisariaqartuupput sapinngisamik inuttat annertunerpaamik misilittagaqalernissaannut, arlaatigut ajornartorsiornermik pisoqassagaluarpat.

Sarfaq Ittuup iluani pujortartoqaqqusaanngilaq.

Umiarsuup qaavani silami 4 aamma 5-mi aaliangersimasunik ilisarnaqqusersimasuni pujortartarfeqarpoq.

Umiarsuarmi inuttat sukkuluunniit pissarsiarisinnaavatit;  tassanngaannartumik pisoqartillugu umiarsuup qaavata 3-anni paasissutissiisarfiup eqqaani toortagaq toorsinnaavat. 

Meeqqanut akikillisaatit.:

Naalungiarsuk ukioqanngitsoq 0-24 qaammatilik: akeqanngilaq
2-inik – 12-inut ukiullit ilanngullugit: Inersimasup akiata affaanik akeqartarput Standard Flex toqqagassat billetit toqqaraanni.

 

 

Utoqqalillutik 65-nik ukiulinniik, aammalu siusinaarluni sulisinnaajunnarnermut akikillisaatit.

Aasaanerani utoqqalinersiallit Siusinaarlutillu utoqqallinersiallit inersimasut akiata 25 % akikillisaaffigitsittarput.

Ukiukkut billetip akia 50% akikilliliivigineqartarput.

billet standard imaluunniit flex toqqarlugit akikillisaaffigitsinneq atuuttarpoq.

 

 

 

 

 

 

Paasissutissatut:                                                                                             

Siusinaarluni sulisinnaanersiutilimmut akikillisaat atuutsinneqartarpoq billet-mik pisilernermi uppernarsaammik takutitsinikkut.

Angalaneq qaangiutereerpat, siusinaarluni sulisinnaanermut akikillisaat meeqqanullu kingumoortumik atuutsinneqarsinnaanngilaq.

Go billetersinermi akikillisaaffigitsinneq atuutinngilaq.

akikillisaaffigitinngitsoorsimanermi angalaneq qaangiutereerangat utertitsisoqarsinnaanngilaq.

 

Sarfaq Ittummi qerititsvimmik soqanngilaq,  thermo karsit marluk, qerisunik ikisiffigineqarsinnaasut quleriit sisamaanniipput, tassaniittuuteqarneq ilaasup/piginnittup nammineq akisussaaffigivaa.

Paarlaattoortoqannginnissaa piniarlugu, pigisatit atinnik allassimasunik nalunaaqutsernissaat innersuunnarpoq.

 

 

Aallaasit umiarsuarmut nassarneqarsinnaapput, ikinermi aquttumut tunniunneqassaaq (eqittaataa peerneqariissaaq)

Angalanermi qimmeq, aamma qitsuk nassarneqarsinnaapput.

(Uumasut allat nassarneqarsinnaanngillat)

Uumasuut ataasiinnaq nassarsinnaavat, taamaattorli angalaneq nalunaaquttap akunnerinik 36-nik sivisunerussanngilaq.

Qimmeq, qitsullu angalanerup nalaani ilaasut isersimaffianneeqqusaanngilaq, ilaasut sapigaqartuusarnerat eqqarsaatigalugit.

Billitsisinermi aamma umiarsuarmut ikilernermi akiuussutissamut kapitissimanermut uppernarsaat atuuttoq takutinneqassaaq.

Qimmeq aamma qitsuk karsimi angallassinissamik akuerisaasumiissapput aamma taamaallaat nassarneqarsinnaapput umiarsuup qaavaniissappata.

Karsi angallassissut akuerisaasoq nammineq akisussaaffigineqarpoq.

Akiliineq: Qimmeq, qitsullu nassarneranut 300,- koruuninik akeqarpoq, umiarsuup paasissutissiisarfiani akilerneqassaaq.

Uumasuutivit sumut inissinnissaa pillugu ikinerni umiarsuarmi sulisut saaffigikkit.

 

Apeqqutissaqaruit, nangaassuteqarnak mailikkut saaffigitigut: info@aul.gl

Meriannguneq ulorianartuunngilaq, pinaveersaartinneqarsinnaavorli, Café Sarfaq-mi “Seabands” pisiarineqarsinnaavoq, merianngunermut illersuutitut tajaliullugu atortagaq.

Nalornissuteqaruit nangaassuteqarnak Café Sarfami sulisut saaffigikkit, ikiunnissaminnut piareersimasarput.

Umiarsuup sananeqaataa, angissusaalu aallaavigalugit umiarsuup ilua issiavimmik kaassuartakkanik atuisuulluni quleriit tikikkuminaalaarsinnaapput.

Issiavimmik kaassuartakkanik atuisumut naleqqussarluakkamik parnaartartumik ataatsimik iniuteqarpugut, taannalu quleriit pingajuanniippoq.
Innersuussutigaarput issiavimmik kaassuartakkamik atuisoq angalaqateqassasoq.

Angalassatilluni, umiarsuaq siusinaarluni ilisimatinnissaa pingaaruteqarpoq. Uunga mail-ernikkut: info@aul.gl